மருத்துவர் ஜி.செங்கோட்டுவேலு

மருத்துவர் ஜி.செங்கோட்டுவேலு அவர்கள் சென்னை கிரீம்ஸ் சாலையில் அமைந்துள்ள அப்பல்லோ மருத்துவமனையில் மூத்த ஆலோசகர் மற்றும் தலைமை இருதய நோய் சிகிச்சை நிபுணராகப் பணிபுரிந்துவருகிறார். மிகவும் சவாலான பிசிஐ மற்றும் ஸ்டெண்டிங் சிகிச்சையை கையாள்வதில் கைதேர்ந்தவரான இவர் தோல்வழி இதய வால்வு மாற்று மற்றும் அறுவை சிகிச்சையிலும் (TAVI/TAVR, mitraclip போன்றவை) அனுபவமிக்கவர். இவர் தற்போது சென்னை தியாகராய நகரில் அமைந்துள்ள டாக்டர் ஜி.எஸ். இதய மருத்துவமனையிலும் (Dr G.S. Heart Clinic) ஆலோசனை வழங்கிவருகிறார்.

மருத்துவர் ஜி.செங்கோட்டுவேலு மருத்துவ ஆய்வுக் கட்டுரைகளுக்காக புகழ்பெற்ற Eurointervention, Journal of the American College of Cardiology, Indian Heart Journal, Heart, Lung and Circulation – Journal, Asia Intervention, Cath Lab Digest, International Journal of Cardiology போன்ற மருத்துவ சஞ்சிகைளில் மருத்துவம் சார்ந்த மிகச் சிறந்த ஆய்வுக் கட்டுரைகளை எழுதியுள்ளார்.

புகழ்பெற்ற மெட்ராஸ் மருத்துவக் கல்லூரியில் மருத்துவர் பட்டம் பெற்ற இவர் அதனை தொடர்ந்து மணிபாலில் அமைந்த்துள்ள கஸ்தூர்பா மருத்துவக் கல்லூரியில் Internal Medicine பட்டத்தையும், அதன் பின் சென்னை ஸ்ரீ ராமச்சந்திரா பல்கலைக்கழகத்தில் இருதயவியல் துறையில் முதுகலைப் பட்டத்தையும் பெற்றார்.

மேலும் ஃப்ரான்ஸ் கல்வி நிறுவனமான கார்டியோவாஸ்குலேர் பாரிஸ் சுட்டில் உலக புகழ்பெற்ற மருத்துவரான மேரி கிளாட் மோரிஸ் மேற்பார்வையில் இன்டர்வென்ஷனல் கார்டியாலஜி ஃபெலோஷிப்பை மேற்கொண்டார்.
சிக்கலான கரோனரி ஸ்டென்டிங் மற்றும் கட்டமைப்பு இதய வால்வு சிகிச்சைகளில் தனது பங்களிப்புக்காக அங்கீகாரம் பெற்றுள்ளவர். கேத்லாபில் 15,000க்கும் மேற்பட்ட முறை சிகிச்சை செய்துள்ளார்.

ஆசிரியராக

இந்தியாவில் முன்னணி இருதய நோய் சிகிச்சை நிபுணராகவும், TAVR, குறுகிய தமனிக்கான சிகிச்சை, ஆப்டிக்ராஸ் இண்ட்ராவாஸ்குலர் அல்ட்ராசவுண்ட் சிஸ்டம் ஆகியவற்றில் முன்னோடியாகவும், பல நூறு சிகிச்சைகளை செய்து முடித்திருக்கும் மருத்துவர் செங்கோட்டுவேலு, கற்பித்தலிலும் ஈடுபட்டுள்ளார். இத்தனை வருடங்களாக அவர் பெற்ற அனுபவமும், நிபுணத்துவமும், அடுத்த தலைமுறைக்குச் செல்ல வேண்டும் என்பதில் அதிக அக்கறை எடுத்துக்கொள்கிறார்.

விருதுகள், சாதனைகள்

ஒரு நல்ல மருத்துவர் நோய்க்கு சிகிச்சை அளிப்பார். ஒரு சிறந்த மருத்துவர் நோய் இருக்கும் நோயாளிக்கு சிகிச்சை அளிப்பார். தனது பணியை மருத்துவர் ஜி செங்கோட்டுவேலு அணுகும் விதமும், அவர் பணி புரியும் விதமும், கூடுதலாக முயற்சி செய்ய தயாராக இருக்கும் அவரது குணமும் அவருக்கு பல்வேறு விருதுகளைப் பெற்றுத் தந்துள்ளன. சாதனைகளை படைக்க உதவியுள்ளன. பாரத ரத்னா ராஜீவ் காந்தி விருது, சிறந்த மருத்துவர் விருது, போது தர்மர் விருது, சிக்கலான இருதய சிகிச்சையில் சிறந்து விளங்குவதற்கான ஜப்பானிய விருது, அற்புதமான சேவை விருது ஆகியவை இவர் பெற்றுள்ள விருதுகளில் சில